10 نصائح لطفلك وانت فى المصيف
المقدمة :
الناس اللي رايحة تصيف في العيد ، أو بتصيف حالياً أو ناوية تصيف بعد العيد ،، أو مش لاقية دكاترة في العيد عشان
10 نصائح لطفلك وانت فى المصيف
إقرأ أيضا
أجاااازة😰 ...
تلحقي طفلك بيه بإذن الله 👍
تقريباً كده مبيعديش يوم إلا وأم تكلمنى ان ابنها سخن ...
انتوا فين يا ماما ؟؟
في المصيف..
ابنها بيكُحّ ..
تعالوا العيادة...
معلش احنا ف المصيف ...
طيب اكشفى عندك !!
مفيش دكاترة😢
تحس ان المصيف اللى رايحين "نفصل" فيه و"ننبسط" أو العيد اللي بنريح فيه ونفرح بيقلب "عيا" و "غم" 😭😭
عشان كده ...
وعشان منحتاسش بولادنا ف المصيف ..
ولا في العيد ،،، تعالوا ندردش سوا ❤👍
١. أدوية الحساسية والرشح ( زرتك أوتلفاست أوكلاريتين واخواتهم):
لازم يكونوا معاكى عشان لو حصل رشح او زكام تستخديهم فوراً قبل ما المخاط ينزل على الصدر ويقلب بكحة !!
٢. فواتح الأنف :
زى فزيومير و اوتريڤين عشان لو النوز قفلت تماما وابنك مش عارف ينام ومطلّع عينك بالليل😥
٣. أدوية الكحة :
موسعات الشعب زى ڤنتولين ولبوس كافسيد ممتازين لو الكحة ببلغم واضح !
مهدئات السعال زى سلجون لبوس ونقط لو الكحة خفيفة وناشفه ..
٤. أدوية الحرارة :
الحرارة في المصيف تكاد تكون حصرية لالتهاب الاذن الوسطى و الحلق و الجيوب الأنفية ،،
عشان كده مهم يكون معانا خافض محترم زى سيتال وبروفين شراب وكمان لبوس عشان كتير من الاطفال ب"يرجّعوا" زى سيتال لبوس ودولفين كمان.
٥. المضادات الحيوية :
ممنوع استخدامها إلا بوصف طبيب ،، عاوزين نوضّح ان كتير من الاطفال حرارتهم بتبقى عدوى ڤيروسية ،، فاستخدام المضاد "عميانى" بيعمل مشكلة والطفل بيتعب اكتر ،، عشان كده لازم كشف!
٦. أطفال حساسية الأنف والصدر :
انتو بالذات ليكم وضع خاص ، عشان المياه والتكييف وتغيير الجو بيهيج الحساسية ،، متنسوش بخاخات الانف والصدر او جهاز النيبولايزر ابوس إيديكم 📢
٧. التوصيات للأطفال بتدور حوالين عدم التعرض للشمس الحارقة من ٩-٣ عصراً ،، يعنى ننزل البسين او البحر قبل ٩ وبعد ٣ ،، ولو اضطررنا نستخدم sun block الُمعامل الحماية بتاعه SPF فوق ١٥ وكل ما يزيد يبقى أحسن ،،
بندهن بيه كل المناطق المعرضه للشمس من الجلد
ومتنسيش الكاب او البرنيطه للبيبي ..
٩.ناخد بالنا من لسعة العربية- اللى واقفه في الشمس -للبيبي ،، لو لا قدر الله جالنا حروق او تسلخات من الشمس بندهن ديرمازين او ميبو ،، الڤازلين كمان عازل كويس جداً ...
١٠. نجيب حفاظات سباحة ،، مننساش ننشف الاطفال مباشرة بعد الخروج من البحر او المياه ،، منسيبش الملح لازم ناخد دش فوراً ،،مندخلش على التكييف في الشاليه او الأوض مباشرة ،، لا ندخل ناخد دُشّ ونلبس ونفتحه بعد كده واحده واحده ،، الكلام ده مهم جداً لأنه أشهر سبب لنزلات البرد في المصيف ..
دول عشر نصايح ... يا رب تستفيدوا بيهم .. ونخفف شوية من تعب المصيف ..
ومصيف وعيد سعيد بإذن الله
الدكتور أحمد الخطيب
رسالة ورؤية موقع الصحة والجمال والأزياء
الصحة والجمال والأزياء يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت.
كما يتميزالصحة والجمال والأزياء أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.
تعليقات : 0