تجارب الشباب العاطفية من الجنسين مع أ/حسن زايد

 

:يا شيخ انا تعبان اوي بدون اسباب امبارح لقيت البنت رزعاني بلوك لكل حاجه واتس وفيس ومكالمات من غير سبب

الغريب اني لسه مكلمك امبارح بالنهار في موضوع وانا مش عارف هي عملت كده ليه من غير اي اسباب مش عارف اوصلها

اسف علي ازعاجك

---------

وكانت الإجابة من أ/حسن زايد :تعبك دا المفروض يكون من كتر ستر ربنا عليك وحلمه وانت اللي شايل هم بنت بلكتك

خلي حيائك من ربنا وخوفك من غضبه أهم عندك من حزنك على بلوك من بنت الله أعلم بحالها

بص هي حاجة من اتنين يا إما البنت ربنا هداها وفي الحالة دي لازم تبلكك لأن مينفعش تكلمك وتقولك دا حرام وكدا 

أو انها كانت زهقانة وحاسة بملل من فترة ودخل حدا جديد أروش أو ألذ منك بمقاييس الحرام طبعا فلما لقت الشخص الجديد قالتلك شكرا يا اسطى

الحالات اللي زي دي سواء كان كدا واللا كدا متخليش ام ابليس يشتغلك بالريموت ويقولك لازم تعرف ايه اللي حصل وليه عملت كدا هو باختصار عايزك يتمسح بكرامتك الأرض لأن كل ما تيجي تعمل حاجة او حتى تنتقم هتلبسك هي في الحيطة وتصدك ودا هيترتب عليه انك تسخن أكتر وأكتر ودا يبقى طريقك

تسخن وتتقلب ومهما عملت من أكونتات جديدة ومحاولات مش هتنفعك وهتزود الطين بله 

خد دي بقة من أخوك 

لما الشيطان يفقد الأمل فيك هيسيب البت دي تهدى شوية ويشتغل عليها ودي هيترتب عليها حاجة من اتنين اما انها تضعف وترجع تكلمك أو انها تثبت على حالها وانا أسأل الله أن يثبتها ولو ضعفت ورجعتلك هترجع بفيلم تحفة انت هتستمتع وانت بتسمعه من ان أخوها شاف الشات اللي بينكم وكم عانت علشان ترجعلك تاني أو أي فيلم جديد نزل السوق

المهم يعني انت لازم تستشعر نعمة ربنا عليك في إنه بيساعد تاخد قرارك ولما ما أخدتوش بعدها عنك والله في شباب بيدعو ربنا ان البنات يبعدوا عنهم لضعفهم هما عن البعد عن البنات

ربنا يسرلك الطريق اوعى تدي ربنا ظهرك وترجع في أحضان شيطانك لأنه هياخدك ويهوي بيك في جهنم وافتكر دايما ( الشيطان يعدكم الفقر ويأمركم بالفحشاء والله يعدكم مغفرة منه وفضلا واللا واسع عليم )

يبقى الاتفاق اننا مش هندور على سبب البلوك ولا تعتبرها اهانة ليك انت واحد في طابور حضرتك ودورك خلص

والحاجة التانية لو رجعتلك تاني وقبل الفيلم ما يشتغل بظهر الماوس وترزع بلوك متين

ربنا يحفظك ويحفظ بناتنا وبنات المسلمين  :)