نصائح للأم اللى عاملة صيدلية بالثلاجة د/ إيهاب الإمام
نصائح للأم اللى عاملة صيدلية بالثلاجة د/ إيهاب الإمام
الادويه الشراب نوعين
-شراب syrup
-مُعلق ..ودا اللي تكوينه بودره وبيُضاف ليه ميه suspension
حفظ الدوا معظمه في باب التلاجه من تحت او في درجة حراره الغرفة بعيد عن الشمس او الحراره او متناول الاطفال ...ودرجة حرارة الحفظ ديما بتكون في ارشادات العلبه
نتخلص من الدوا امته بقا بعد ما يتفتح!!؟
ركزوا 😇
١-الشراب -------> شهر ..مالم تنصح الشركه المصنعه بأكتر
٢-المُعلق --------> أسبوعين
٣-فيه ادوية شراب مستورده زي ايفامول ----->٣شهور علي الأقل بالشروط اللي موجوده في العلبة لان مواد حفظها مختلفة
٤-قطرات ومراهم العين ---> ٢٨ يوم
٥-قطرات الانف والاذن ----> ١٥-٢١ يوم
٦-بخاخات الفم--->حتي تاريخ الانتهاء
٧-بخاخات الانف----> ٣ شهور
٨-الكريمات ----> ٣ شهور
٩- اللبوس ----> حتي تاريخ الانتهاء
١٠- نقط الفم ----> شهر
بس فيه نقط زي ،،ون الفا او الفاكارينو
حفظها بيكون في التلاجه بدرجة برودة معينه ودي ٣ شهور
١١- الحقن ...واشهرهم
-الامبيسلين زي اليوناسين والفلوموكس
مينفعش تتقسم بعد ماتتحل
يعني تتحل وتتاخد ولو فيه باقي يترمي 🙏
-السيفالوسبورين بدرجاته
زي سيفوتاكس
سيفترياكسون
٢٤ ساعه في هواء الغرفه
٤٨ ساعه في التلاجه ✌️ ودا في حالة لو اللون متغيرش للغامق
ارجع تاني افكر ان الشركة المصنعة للدوا ممكن تنصح بأكتر من المدد اللي ذكرتها بشرط التخزين الصحيح ،، والدكتور الصيدلي هو أكتر واحد علماً بالدواء ونقدر نسأله لو فيه حاجه واقفه علينا
التجديد والالتزام بالمدد المذكورة بعد الفتح مهم جداً خوفاً من تغيّر المادة الفعالة للدواء واللي هيكون ليها أثر سلبي أكيد،،
وصورة البوست ☝️من الادارة العامة للخدمات الطبية وفيها معظم الادوية بصفة عامة للكبار والصغار👌
للدكتور إيهاب الإمام دكتور طب الأطفال
تعليقات : 0