10نصائح للشتاء للحفاظ على أطفالنا د/ أحمد الخطيب
١٠ نصائح ليمر الشتاء بأمان لأطفالنا
١. أول البرد الرشح والزكام ،، لو عرفتي تتعاملي معاه بسرعه هتلحقي ابنك .. لازم تجمدي كده وتتعلمي تسليك الأنف عشان دي أهم نصيحة !
٢. لو كل موسم ابنك مناخيره "مبتفصلش" حرفياً رشح وزكام ، دي حساسية انف راجعي دكتورك وهوا يتعامل معاه بالبخاخات الانف صدقيني هتفرق جداً!
إقرأ أيضا
١٠ علامات تخليكوا تشكّوا إن ده مش برد دي حساسية
حساسية الصدر عند الأطفال د / أحمد الخطيب
أمراض المدارس للدكتور أحمد الخطيب طب الأطفال
١٠ علامات تخليكوا تشكّوا إن ده مش برد دي حساسية
حساسية الصدر عند الأطفال د / أحمد الخطيب
أمراض المدارس للدكتور أحمد الخطيب طب الأطفال
٣. لو الادوار معاها دايماً نهجان و تزييق صدر "صفير" لازم تراجعي دكتورك عشان برضه مننساش حساسية الصدر والبخاخات للصدر هتغير تعب ابنك تماماً والله !
٤. مشكلتنا جميعاً ان أدوار الحساسية -اللي علاجها البخاخات والجلسات - بنتعامل معاها على انها برد -اللي علاجه ادوية وسوايل بس- وده بيخلي التحسن بطئ ، والانتكاسات متكررة !
٥.يوم واحد يغيبه ابنك عن المدرسه اول دور البرد ،، يحميه ويحمي زمايله من أيام كتيييير هيضطروا يغيبوها لو ركبنا دماغنا ونزلناه وهوا بيكح او سخن وجاله في الاخر التهاب رئوي
٦.المضاد الحيوي مش حل لأي برد ، ومينفعش يتلغي في حالات معينة في البرد . أيوا يعني نعمل إيه ؟؟ متديهوش من نفسك والدكتور يحدد.!
٧. لو الكحة بتصحيه من النوم متوديهوش المدرسة .. لو الكحة بتصحيه من النوم متوديهوش المدرسة...لو الكحة بتصحيه من النوم متوديهوش المدرسة.
٨. حرارة فوق ٣٨،٥ ،، كحة لا تنقطع ،، كحة تصحيه من النوم ، كحة صوتها غريب ، كحة تخليه يرجع ، كحة مع زرقان ،، صوت صفير بالصدر كل اللي فات ده لازم كشف فوراً .
٩. لو ابنك بيجيله كحة وبرد متكررين جداً وعنده امساك مزمن أو اسهال متكرر أو ترجيع وقابلية للقئ متكررة بعيداً عن أدوار البرد .. بلغي دكتورك فوراً عشان ممكن يكون سبب كحته حساسيات طعام والله .
١٠.تسليك الأنف ، السوايل الدافيه ، البعد عن تقلبات الجو ، تبطيل السجاير عشان ولادك ، الالتزام بالبخاخات الوقائية لأطفال الحساسية ،، مصل الانفلونزا والمكورات الرئوية ، البرونكوڤاكسوم لبعض الأطفال ،، خدي البرد بهدوء كده وتوكل على الله .. صدقيني هتقولي في الآخر "ده أحلى شتا ده ولا إيه"
د.أحمد الخطيب .
رسالة ورؤية موقع الصحة والجمال والأزياء
الصحة والجمال والأزياء يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت.
كما يتميزالصحة والجمال والأزياء أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.
رائع
ردحذف