شفاط الأنف وكيفية إستخدامة وأنوعه د / إيهاب الإمام
شفاط الأنف وكيفية إستخدامة وأنوعه
شفاط_الأنف
انواع كتير في السوق وكل واحد ليه طريقه هنشرحها ،،
والصور في الكومنت
Pumping عن طريق الضغط عليه
ودا بيسحب الافرازات عن طريق negative pressure
بالضغط اليدوي
ودا الاشهر ،، بس ياريت نستخدمه بنفس طريقة صورة البوست،، وديماً نختار نوع فتحته تكون واسعه شويه علشان يسحب الافرازات كويس
-عن طريق الشفط
ودا بيكون خرطوم صغير ليه طرفين ،، بنحط ناحيه في انف الطفل والناحيه التانيه بنشفط منها .. سواء بالفم او بسرنجه
-الكتروني
ودا بيشتغل منه لنفسه ،، بس غالي شويه
اهم حاجه بلاش نشفط ع الناشف ،، الافضل نرش محلول ملح او بخاخ ماء البحر وبعد كدا نشفط
الوضع الافضل للتشفيط للسن الصغير في وضع ٤٥ درجة وضع الرضاعه علشان نتفادي الشرقه
للسن الاكبر ،، وضع الجلوس ويكون مايل للامام بسيط
هتشتروه من اي صيدليه او اماكن بيع مستلزمات الاطفال
بالمره بقا ،، بعد ما اتكلمنا عن انواع الشفاط
فيه معلومه مهمه عن اسبراي ماء البحر في السوق
فيه انواع من الاسبراي مختلفة في طريقة الرش بغض النظر عن المسميات التجاريه
-النوع_الاول
مع الضغط عليه بيطلع رشه واحده
Just one puff
زي البرفيوم كدا
ودا بفضله في السن الصغير والامهات اللي لسه مش خبره اوي ،، علشان يقدروا يتحكموا في معدل الرش وميضايقوش الطفل
ودا زي : فري نوز - ميني سينومارين
-النوع_التاني
اللي طول ما احنا ضاغطين عليه بيطلع
Continues spraying
ودا بفضله في السن الاكبر والامهات الخبره
ودا زي: فزيومير -يوني مير - بيبي ناديف
-النوع_الثالث
ودا عن طريق محلول الملح والسرنجه
بنستخدمه كبديل عن الاسبراي ،، ودا طبعا غير مكلف
بنسحب بالسرنجه محلول الملح ونضخها في انف الطفل ،، ودي فعاله زيها زي الاسبراي 👍،، بس محتاجه ام خبره 😊
طبعا الامثله ليست للحصر ،، لان فيه مسميات تجاريه كتير
شوفوا المناسب ليكم واستخدموه 👌
د_إيهاب_الامام
جزاك الله خيرا
ردحذف