8 نصائح هامة جداً لكل أم عندها بيبى جديد د/إيهاب الشيخ
المقدمة :
اليوم نتحدث عن اهم 8 نصائح هامة جداً لكل أم عندها بيبى جديد د/إيهاب الشيخ التى تفيد المولود بصفه مباشرة
1-المولود كامل النمو وزنه الطبيعى يكون من 2.5 الى 3.99 أقل من 2.5 يبقى وزنه قليل واكتر من 3.99 وزنه زائد واﻻتنين القليل والكبير محتاجين متابعه خاصه ، المولود كامل النمو معدل الطول 50سم ومعدل محيط الرأس 35سم .متابعه الوزن والطول ومحيط الرأس هم أساس متابعه نمو الطفل
إقرأ أيضا
2- الرضاعه الطبيعيه كنز النمو والمناعه ﻵطفالنا اللبن بينزل من أول ساعه لو حطينا الطفل على صدر مامته ،أول ساعه هى الساعه الذهبيه للرضاعه الطبيعيه ،بﻻش صناعى ، بﻻش أعشاب ، رضاعه طبيعيه مطلقه بدون ماء حتى 6شهور من العمر
3-الصفرا الوليديه نعمل تحليل ونحدد نوعها ونتابع معدل الصفرا وارتفاعها ،بﻻش جلوكوز ،بﻻش لمبه نيون
4- الطفل اللى عينه بتدمع وبتعمس بالليل بس مفيش فيها احمرار ده انسداد فى القنوات الدمعيه نعمل تدليك للعين ونصبر 6شهور لو استمرت نستشير طبيب عيون
5-الفتق السرى مفيش منه مشكله نتابعه فقط بيروح على سن سنتين لو استمر ل3سنين نستشير طبيب جراحه ، وبﻻش حزام سره .
6-عدد أنفاس الطفل فى اول شهر مم العمر تصل الى 60نفس فى الدقيقه ثم 50نفس من سن شهر الى سنه ومن بعد السنه 40نفس بالدقيقه .زياده معدل النفس عن الطبيعى يلزم كشف فورا من طبيب أطفال مش دكتور صيدلى وعﻻج كحه .
7- الخنفره والعطس وانسداد اﻻنف من الظواهر الطبيعيه للاطفال المواليد فى اول 6 شهور يستدعى فقط التنضيف وغسول اﻻنف ببخاخات ماء البحر او الغسول بمحلول الملح او نقط البيبى سالين ، بﻻش مذيبات البلغم ، بﻻش نقط البرد وادويه اﻻحتقان ، بﻻش تنضيف الانف بودانه اﻻذن
8- الافرازات اﻻنفيه، الطفل المولود بيبلعها وتنزل على الزور من ورا ويبقى كأنه عاوز يجيب حاجه من زوره ومش عارف ،زوره محشرج ،محتاجين ننضف فقط بمحلول ملح او بخاخ ماء بحر بعد استبعاد وجود التهابات بالصدر من الطبيب المعالج .سبحان الله لو نﻻحظ هنﻻقى الطفل المولود بيكون اللعاب كتير بيتفتفه ويبلعه ، اللعاب ده هو اللى بيدوب اﻻفرازات يعنى مذيب بلغم ربانى .
رسالة ورؤية موقع الصحة والجمال والأزياء
الصحة والجمال والأزياء يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت.
كما يتميزالصحة والجمال والأزياء أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.
تعليقات : 0