شاورما الفراخ بالعيش السوري
المقادير
المقادير للعيش السورى
3 كوب دقيق
1 بيضة
1/2 ملعقة صغيرة خميرة فورية
1 ملعقة كبيرة سكر
كوب وربع ما ء للعجن
1/2 ملعقة صغيرة ملح
مقادير الشاورما الفراخ:
صدرين فراخ مخليين
1/4 كوب خل
1/4 كوب ليمون
1/4 كوب صويا صوص
فلفل ملح كمون جنزبيل بودر شطه ثوم بودر بصل بودر
بصل شرايح
فلفل اخضر والوان شرايح
طماطم شرايح
كاتشب
مايونيز
طريقة التحضير
60 دقيقة
اولا طريقه العيش حتى نتركه يختمر: هنخلط المقادير الجافه مع بعضها وبعدين
نضيف البيضه والماء عليها بالتدريج لحد مانوصل لعجينه متجانسه، نغطيها ونسيبها
ترتاح حوالى ربع ساعه او وقت ماتحسى انها اتخمرت تاخديها وتقسميها لكور صغيره.
تفردى كل كوره بالنشابه بس طبعا بعد ما تكونى حطيتى شويه دقيق فى الارضيه
عشان ما تلزقش
نجيب بقى الطاسه التيفال الكبيره بتاعتنا ونسخنها على النار ونحط فيها نص
معلقه زيت وتحطى العجينه المفروده فى الطاسه وتحركيها كده كل شويه عشان الزيت يوصل
لجميع الاطراف ولما تحسى انها اتحمرت شويه كده تقلبيها على الناحيه التانيه.
اهم شئ انك تغطى العيش عشان مينشفش غطيه بفوطه نظيفه بعد كل رغيف يطلع.
طريقه
الشاورما: نقطع الفراخ بالمقص شرايح
تخلط مكونات التتبيله ماعدا الكاتشب والمايونيز
وتترك بالثلاجه يوم او ساعتين على الاقل.
تخرج
الفراخ وتسخن مقلاه تيفال مع رشه زيت ثم توضع الفراخ تاخد صدمه ولونها يتغير ضعى
البصل والفلفل والطماطم وتبليها.
ضعى
بالسندوتشات كاتشب ومايونيز والشاورما ولفيه وبالهنا..
تعليقات : 0