١٠- قواعد التغذية ف السنة الثانية من العمر
قواعد التغذيه ف السنه التانيه من العمر:-
١-مبدأيا لازم يعرف الوالدين بأن معدل النمو وكمان شهية الطفل للاكل بيقلوا وبالتالى لازم يتقبلوا قلة كميات الاكل.
٢_كل انواع الاكل اللى نعرفها لازم نقدمها للطفل خلال السنه ده لانه بيكون ما يسمى ذاكرة الطعام وبعد السنه ده بيبقى صعب عليه يجرب نوع أكل جديد ولذلك لازم نصبر قوى على تقديم الاكل للطفل ونقدمه حتى ١٠ مرات قبل ما نقول انه مش بيحب النوع ده.
٣-لازم نغير الببرونه الى الكوبايه
اول شهرين نشربه بأيدينا والشهرين اللى بعدهم نساعدهم ثم بعد كده نسيبهم يشربوا لوحدهم بالكوبايه حتى لو هايوقعوا على انفسهم.
٤-يسمح للطفل اللعب بالاكل لان ده طبيعى عند الطفل انه يتعرف على الاشياء باللمس.
٥- يحضر الاكل بكميات قليله جدا من الملح او السكر.
٦- اللبن ومنتجاته:-
كوب لبن كامل الدسم يساوى علبة زبادى يساوى قطعة جبنه.
لازم الطفل ياخد ال ٣ حاجات دول ف اليوم
( كوب لبن_ علبة زبادى- قطعة جبنه).
٧- العيش....ربع رغيف على الفطار وربع رغيف على العشا
ممكن نستبدل ده ب .... ٣ معالق سيريلاك او بليله او كورن فليكس
٨- ممنوع ..... العصير من بره او بيتى - البونبونى او الشيكولاته او الحلويات
٩- البروتين....لحم- بيف - فراخ - سمك - بيضه - معلقتين فول او عدس او فاصوليا او لوبيا.
كل يوم لازم بروتين
كل اسبوع لازم مرتين سمك
١٠- المشروبات.....الماء فقط هو الافضل ويستحن غلى الماء وتركه يبرد ثم تعبئته ف ازازه تكفى طول اليوم.
تلك عشرة كامله أتمنى تفيدكم وبالليل ننزل مثال لجدول اكل طفل عنده سنتين.
الدكتور محمد سعد عفيفى
تعليقات : 0