أسباب تأخر النطق عند الأطفال وكيفية إكتشافها مبكراً د/ إيهاب الإمام
إبنك أو بنتك
☝️️وصل سن ١٨-٢٤ شهر فأكثر
ولسه مش بيتكلم
أوكلامه مش مفهوم ومش واضح ومحدود جداً
☝️️أو كان بيتكلم كويس وفجأه بدأ (تأتأه) في اول الكلمة زي م م م درسة يقصد ( مدرسة)
-لازم ناخد بالنا 🚫
كده اضطراب أو تأخر في النطق
ننفذ فوراً التعليمات دي قبل ما نفكر في العرض علي طبيب متخصص👌
١- نمنع كل أشكال التعرض ومشاهدة الميديا ( كل ماله شاشة) سواء
موبايل 📵
لاب
تاب
تي في 📺
كل دا تأثيره سلبي علي النشاط الدماغي للطفل والموضوع دا قُتل بحثاً من جميع المنظمات العالمية
٢- زيادة اللغة الحوارية
نتكلم مع اولادنا كتير ...نحكي اي موقف حصل مع الطفل ..نُكثر من الكلام أم الطفل ياجماعه 😬
وننفذ الاوامر اللي يطلبها بالكلام مش انه يشاور،، علشان نحفز قدرته اكتر علي الكلام
ونحاول ديماً نعلمهم اللفظ صحيح ،، يعني بلاش (امبوه) نقول (ميه) وهكذا
لوشكينا ولو ١٪ ان الطفل مش بيسمعنا كويس ،، لازم نطمن بمقياس سمع ضروري 👌
٣- الألعاب اللي بتنمي التركيز
زي العاب مانتسوري
العاب الفك والتركيب
البازل puzzle
٤- الحضانة في أقرب اوقت
بمتوسط ٣سنوات.. ويفضل يكون في الحضانه أخصائي سلوك وتخاطب ،، هيفرق مع الطفل كتير👌
٥- الفيتامينات
زي الحديد والزنك وفيتامين ب مركب
وأهمهم علي الإطلاق أوميجا3 وزيت كبد الحوت
٦- الأكل المتوازن الصحي والنوم من ٦-٨ ساعات مع عدم السهر ...(العقل السليم في الجسم السليم)
٧-خلق مناخ جميل للطفل من ضروريات خلق سلوك صحيح للطفل
*بلاش زعيق عمال علي بطال
*بصوا في عينيهم وانتوا بتكلموهم
*أتأكدوا ان مفيش غِيرَه من أطفال اصغر
*أخرجوا معاهم وقضوا وقت جميل
*احضنوهم وحسسوهم بحنانكم اكتر
هتفرق صدقوني ❤️
**تنفيذ التعليمات مجتمعه نتايجهاهايله مع الاطفال بشهادة كل الامهات اللي قدرت ونفذت وخافت علي اطفالها 🌹
د.إيهاب الإمام
تابع مواضيع مشابهه من هنا
👇👇👇
👇👇👇
👇👇👇
تعليقات : 0