نقص انزيم اللاكتاز و أعراضه د / إيهاب الإمام طب الأطفال
المقدمة :
سوف نتحدث اليوم فى هذه المقالة عن نقص انزيم اللاكتاز وأعراضة للدكتور إيهاب الإمام بموقعنا الصحة والجمال والأزياء .
عوز_اللاكتاز
••••••••••••
اللاكتاز دا انزيم موجود في الجهاز الهضمي ،، وظيفته يهضم سكر اللاكتوز اللي بينزل المعدة
لو ناقص او مش شغال كويس لأي سبب بينزل السكر زي ماهو في الجهاز الهضمي بدون هضم وبيسبب اعراض محدده !!
-إسهال ،، ومن كتره وحمضيته بيعمل التهابات مكان الحفاض
-مغص
-غازات
-وممكن ارتجاع بسيط
فقط !!
وعلي حسب نقص الإنزيم بتكون شدة الأعراض .
ممكن الانزيم يكون ناقص في جسم الطفل من وقت الولاده ودا نوع نادر جداً جداً جداً وبنسمية أولي
وممكن الانزيم ينقص بسبب تأثره بمشكله في الجهاز الهضمي زي النزلات المعوية ودا بنسميه ثانوي
إقرأ الأكثر مشاهدة الآن طريقة ازالة الكهرباء الزائدة من الطفل
بنشخصه ب تحليلين
سكر مختزل في الاستول بنلاقيه ايجابي
Ph stool ،، واللي بتكون حامضي
الأم اللي بترضع طبيعي وابنها بيعاني من عوز اللاكتاز مش بنوقف الرضاعة الطبيعي تماماً.. إياكم
كل اللي بنعمله بنمنع السكريات من أكل الأم ونتابع التحسن ،، ولو الاعراض مستمره بندخل رضعه او اتنين من لبن خالي من اللاكتوز بجانب الرضاعة الطبيعية
طيب لو بيرضع صناعي !؟
بنغيرله اللبن بتاعه لنوع خالي من اللاكتوز لمدة لا تزيد عن شهر حتي استقرار الجهاز الهضمي ونرجعه للبن العادي بتاعه
لو حصل ورجعت الأعراض مرة تانية بعد الرجوع للبن العادي ،، نوسع مداركنا شويه ونفكر في حساسية بروتين الطعام
هأكد تاني!!
اسهال من اول يوم الولاده بدون تحسن نادر جداً
والأكثر شيوعاً هو النوع الثانوي ودا اللي اتكلمنا عليه
الفرق جلي وواضح بين
اعراض عوز اللاكتاز اللي اعراضه كلها جهاز هضمي بس علي شكل اسهال ومغص وانتفاخات ،،
وما بين حساسية بروتين الطعام اللي بنلاقي معاها اعراض جهاز تنفسي او التهابات في الجلد او اعراض جهاز هضمي (بنلاقي اعراض نوعين لجهازين مختلفين)
تعليقات : 0