أسباب الإرتجاع الصامت وأعراضة وطرق علاجة د/ إيهاب الإمام طب الأطفال
الإرتجاع_الصامت
المقدمة :
️يعني ايه!؟
الارتجاع من اسمه يعني خروج اللبن من
المعدة للمريء ،، لو خرج برا الفم(ترجيع يعني ) فدا يطلق عليه #ارتجاع_مرئ GERD
لكن في حالة الارتجاع الصامت اللبن
بيخرج من المعده لكن مش بيرجعه لبره ،، بيوصل للمريء من فوق وللحلق والفتحة
الخلفيه للأنف وممكن يدخل علي الحنجرة والقصبة الهوائية ودا بنسميه
وعلشان عدم خروج اللبن لخارج الفم
واعراضه كلها من الداخل سموه صامت
️اسبابه :
*طبيعة عدم التكون الكامل لعضلة نهاية
المريء فالبتالي مش بتقفل كويس علي محتوي المعدة فخروج اللبن بيكون سهل
*المريء في الأطفال الرضع بيكون قصير
*طبيعة نومهم بإستمرار علي الظهر flat
️اعراضه :
* بحة في الصوت
*كحة وبالأخص مع النوم وبتوصل
لإلتهابات شعبية في بعض الأحيان
*خنفرة وانسداد انفي
*التهاب في الحلق وافرازات خلفية كتير
*عدم زيادة الوزن
*رفض الرضاعة ،، والطفل بيرجع براسه
لورا
*الأم بتسمع صوت سريان اللبن في بعض
الاحيان
*بيشرق كتير
طبعاً مش لازم توافر كل الاعراض
مجتمعه،، بتكون علي حسب شدة الارتجاع
تشخيصه :
*من الهيستوري والأعراض اللي ذكرتها
*منظار في الحالات الصعبة
علاجه :
*بنقلل فترات الرضاعه كمدة ،، ونكترها
علي مدار اليوم (رضعات خفيفه قصيرة كثيرة )
*التكريع في منتصف وآخر الرضعه
*وضع الطفل في زاوية تكاد تكون قائمة ٩٠
درجة لمدة نصف ساعه
*استخدام مهدئات المعدة
زي:
-PPI
نيكسيم
-H2 blocker زانتاك -نواروسيف
-Antacids چافيسكون
ودا بيكون بجرعات وفترة يحددها الطبيب
المعالج تبعاً لحالة الطفل
*استبعاد حساسية الطعام زي حساسية
اللبن.
*بعض الحالات الغير مستجيبة لعلاج
بتحتاج لتدخل جراحي للأسف
لازم نفرق ونكون علي وعي بين:
- ارتجاع المريء GERD
ودا بيكون معاه ترجيع وزيادة في الوزن
٢- الإرتجاع الصامت
زي ما اتكلمنا في البوست
٣- متلازمة ساندڤير،، ودي بيحصل فيها
ألم قوي للطفل أثناء ارتجاع ومرور اللبن بالنهايات العصبية للمريء فبيحصله (تقوس) للظهر
واليدين والأرجل بيشدهم جامد لمدة ٣ دقايق ودي تُصنف حاله عصبية وبيتحسن مع الوقت مع الإلتزام بنفس خطوات
الارتجاع الصامت
د.إيهاب الإمام
تعليقات : 0