إستخدام التكييف مع الأطفال د. إيهاب الإمام

التكييف في بعض الدول  والمناطق من أساسيات البيت ...ولكن بيأثر علي الاطفال وبيجعلهم عرضه لنزلات البرد بصفه عامه 😢

#طب_الحل ؟

فيه بعض النصائح اللي ان شاء الله تنفعكم👌

☝الخروج التدريجي من غرفة التكييف بمعني !! نقفل التكييف الاول قبل الخروج لدرجة حراره مختلفه لاننا لو خرجنا فجأه ومع تغيير درجة الحراره المفاجئ يصاب الطفل بالبرد

☝درجة حرارة التكييف من ٢٤-٢٧ ..درجات البروده الأوفر بتزود استهلاك الطفل للسعرات الحراريه والدهون اللي في جسمه اللازمه لعملية تدفئة جسمه..خلينا في المعدل المناسب

☝بلاش نخلي الطفل في اتجاه التكييف ...اصابته بالزكام بتزيد بناءا علي دراسات بتقول ان هواء التكييف بيجفف البطانه المخاطيه للانف فبيسهل دخول فيروس الانفلونزا

☝التكييفات مش  بتساعد علي ازالة الدخان بل علي العكس تعمل علي نشرها ...مش لازم ندخن في غرفة التكييف يعني 😡

☝صيانة التكييف بصفه دورية شئ مهم جدا ..ودا بيمنع تكون الغبار والدخان والجراثيم (بكتيريا ليجيونيلا) ..والبكتيريا دي عايشه في المكيفات و بتعمل صداع وتعب والم في العضلات مع حراره وبتوصل لالتهاب رئوي في الحالات الشديده من الاصابه  ...#الصيانه_مهمه 👍

☝️مع تشغيل التكييف وقت طويل حاولي تتفقدي حرارته 😨...جسم الطفل لازم يكون دافي (لا بارد ولا سخن)...لو حسيتي الجو برد عليه لبسيه بكم او غطيه بغطا خفيف 👌

☑️ بالنصائح اللي ذكرتها ( التكييف) آمن جداً ❤️

د.إيهاب الإمام