أسباب إضطربات النوم بالنسبة للأطفال د/ إيهاب الإمام
امهات كتير بتشتكي ان ابنها او بنتها نومهم صعب وبيكون متأخر وكمان مضطرب ،، وبيصحوا كتير علي مدار الليل وطبعاً بيقوموا للمدرسة بضرب الشوز ،، دا غير انهم بيروحوا يناموا في مدارسهم 🙆
وتيجي تقولك؟؟
مع اني والله مش بسيب في ايده الموبايل طول اليوم،، بس علشان يسكت وينام بسيبه معاه قبل ماينام شوية 😡😡
هنا بقا،، بيت القصيد 👌
عارفين ان الموبايل او الايباد اوالتلفزيون من اهم عوامل اضطراب النوم بالنسبة للطفل اللي بيمسك الموبايل لفترة قبل ما ينام !!
ليه بقا؟؟
🔹الالعاب والفيديوهات اللي بيشوفها بتسبب افراز هرمون #الادرينالين ،، ودا مش وقته خالص 🙄،، واللي بيخلي مخه شغال وفايق ودا عكس اللي محتاجه ،،فبالتالي بتصّعب عملية الدخول في النوم
🔹ضوء شاشة الموبايل ،، لقوا انه بيأثر علي انماط النوم بشكل عام ويزود من عملية (اليقظة) وبالاخص لو اتعرض ليها وقت النوم 😢
🔹لقوا ان التأثير وصل حتي بعد النوم واللي بيسبب نوم متقطع ،، ودا نتيجة منع هرمون #الميلاتونين واللي ليه دور مهم في المحافظة علي تنظيم دورة النوم
يعني بيفرز (ادرينالين) وبيمنع (ميلاتونين)
وعايزين الواد ينام ويصحي فايق ويركز في مدرسته ،،، استحاااااله ✊️
طبعاً الكلام دا ينطبق علي سن سنتين فأكثر،، لان اللي قبل كدا ممنوع اساسا من الكلام دا لا ليل ولا نهار
عودي ابنك ينام من غير موبايل او ايباد
طفي النور،، احكيله قصه بيحبها ،، اتكلمي معاه بصوت خافت شويه ،، سبيه يجري ويتنطط من هنا لهنا ووقت النوم ..هينام 😴
تعليقات : 0