اعرف كل حاجه عن الترامادول

المقدمة:

-#الترامادول في الأساس مسكن للآلام المتوسطه و الشديده و هو من عائلة المورفينات

-طب ايه الفرق بينه و بين أي مسكن تاني زي البروفين و البانادول مثلا ؟

-الفرق ان الترامادول بيشتغل علي #الجهاز_العصبي المركزي فبيعمل تسكين للآلام و بيعمل حاجه تانيه خطيره جدا اللي بنسميها بالعاميه "بيعمل دماغ" و جملة بيغمل دماغ دي هي اللي بتخلي متعاطي الترامادول يدمنه بعد فتره

ايه مدخل الترامادول للشباب و المتزوجين ؟؟      

1- لو لقيت نفسك بتاخد الترامادول أيام الامتحانات عشان يديك باور و تقدر تطبق باليومين و التلاته ... أنت 

كده هتدمن ترامادول.

2- لو لقيت نفسك بتاخد ترامادول عشان تلعب ماتش كوره كويس ... أنت كده هتدمن ترامادول. 

3- لو لقيت نفسك بتاخد ترامادول عشان شغلك متعب و مرهق جدا و الترامادول بيساعدك علي أداء شغلك بسهوله ... إعرف انك هتدمن ترامادول.

4- لو لقيت نفسك بتاخد ترامادول عشان فاكر انه بيزود القدره الزوجيه ... أنت كده علي المستوي البعيد بتعرض نفسك يحصلك مشاكل زوجيه غير انك برده هتدمن ترامادول.

5- لو أنت سواق عربيه نقل و بتاخد ترامادول علشان تطبق باليومين ... حرام عليك نفسك انت ممكن تعمل مصيبه و هتدمن الترامادول.

1- لما تلاقي نفسك الجرعه اللي بتاخدها ما بقتش تكفيك و مضطر تزود في الجرعه عشان تاخد نفس التأثير يبقي انت كده بقيت مدمن ترامادول.

2- لما تلاقي نفسك لما بتبطل الترامادول بيجيلك آلام لا تحتمل في كل جسمك و بالذات مفاصلك و أسفل ضهرك يبقي انت كده بقيت مدمن ترامادول.

3- لما تلاقي نفسك عندك رغبه قهريه انك لازم تنزل تشتري الترامادول و بتضطر تعمل اي حاجه لدرجة انك تسرق أو تسيب أهلك جعانين عشان تروح تجيب ترامادول يبقي انت كده بقيت مدمن ترامادول.

4- لما تلاقي نفسك من أول ما تصحي لحد ما تنام كل تفكيرك في حاجه واحده بس هي ازي تجيب ترامادول و سايب اي حاجه تانيه في حياتك يبقي انت بقيت مدمن ترامادول.

طب ايه هي أعراض انسحاب الترامادول ؟

"و المقصود بيها الأعراض اللي بتحصل لمريض ادمان الترامادول لو قرر يبطلها فجأه":

1- قيء و إسهال. 

2- آلام شديده بكل الجسم و خصوصا المفاصل و أسفل الظهر.

3- #صداع_شديد.

4- رشح الأنف.

5- إحساس بالبروده حتي في 

6- حركات لا إراديه و نفضات تصل لحد التشنجات العنيفه.

7- الهلاوس السمعيه و البصريه.

8- الأرق الشديد و عدم القدره علي النوم لفترات طويله جدا.

في المرحله دي بنوقف الترامادول تماما و بنتحكم في أعراض الإنسحاب من غير ألم خالص و بيبقي الجسم في الفتره دي اتخلص من الإدمان الجسدي للترامادول بمعني ان الجسم خلاص مابقاش محتاج الترامادول عشان يسكن الآلام اللي فيه

المرحله التانيه: إعادة التأهيل "من 6 شهور الي سنه"

و دي مرحلة التخلص من الإدمان النفسي للترامادول بمعني ان مريض الترامادول متعرض في أي وقت انه يحصله "انتكاسه" يعني يرجع لإدمان الترامادول مره تانيه و هنا بييجي دور الطبيب النفسي اللي بيشتغل مع المريض برنامج اسمه "العلاج السلوكي المعرفي" عن طريق البرنامج ده المريض بيقدر يتخلص من الإدمان النفسي للترامادول و بيقدر يتعامل مع المجتمع بطريقه سليمه و بتتغير مفاهيم المريض و بيقدر يواجه الحياه بطريقه جديده

المرحله دي مش شرط ان المريض يتحجز فيها ممكن يعمل متابعات عن طريق جلسات أسبوعيه لكن بنضطر نحجز المريض اذا كانت انتكاساته كتيره

ملحوظه: في برنامج تاني اسمه برنامج ال "NA" أو برنامج "المدمنون المجهولون" و ده بيتم فيه اجتماعات و جروبات بين المدمنين مع المدمنين المتعافين و فيه ناس كتير ربنا أكرمها و بطلت بالبرنامج ده 

في نهاية كلامي عن الترامادول أحب أقول أهم من العلاج اننا نحمي نفسنا و أولادنا من انهم يقعوا فيه من الأساس ... لازم يبقي في رقابه من البيت و لازم نقوي الدافع الديني عند ولادنا من صغرهم و نعرف مين صحابهم و نبعدهم عن العزله و ربنا يحفظنا و يحفظ أهالينا و شبابنا من خطر الأدمان