خطوات علاج حساسية بروتين الطعام

اصل المشكلة من البداية من المعدة اللي بدأ يحصل فيها تسريب لمكونات الاكل اللي مش قادرة تهضمه ، ودا نتيجة تأثر البطانة الداخليه للمعدة المكونه من فتحات ضيقة tight gaps لا تسمح بمرور الاكل واللي اصبحت واسعه وبدأ يمر من خلالها اكلات غير مهضومة 😢

وبالتالي الجهاز المناعي بدأ يُتثار برد فعل علي الجسم سواء في

📍الجهاز الهضمي علي شكل اسهال ،امساك ، ترجيع ، مغص وانتفاخات ، عدم زيادة في الوزن

📍او للجهاز التنفسي من حساسية انف او صدر

📍او للجلد من التهابات متكرره واكزيما

ودا اللي بنسميه متلازمة الامعاء التسريبيه leaky gut syndrome

طب كدا عرفنا اساس المشكله ولكن !!✋

كل اللي بنعمله مع الطفل المتحسس هو المنع فقط ،، ودا في حد ذاته صحيح ١٠٠٪؜ والطفل هيتحسن من خلاله

ولكن هل المنع لوحده كافي لتحسين بطانة الامعاء المتسعة وتقليل حجمها للوضع الاصلي ومنع اي تسريب من خلالها واللي هيحل الموضوع جذرياً  !!

علشان كدا بنلاقي اطفال مع المنع لفترة طويله ومع وقت الادخال بيتحسس لسه وممكن يتحول لحساسية متعددة ..

دا علشان مشتغلناش علي علاج المشكلة الاساسية مع المنع وهي مشكلة الامعاء التسريبية ودا بقا محور كلامنا في البوست ...

طب وبعدين..قفلتنا انت كدا 😡

ركزوا معايه ..

علاج المشكله الاساسية محتاج منك تركيز واستيعاب اكتر علشان كدا هطول عليكم شوية 🙏

مشكلة الامعاء التسريبيه هي الاساس بنسبة ٨٥٪؜ لكل مشاكلنا المرضية لو دورنا علي اصل المشكلة ..وسبب بنسبة١٠٠٪؜ لمشاكل حساسية الطعام بصفة عامة

ايه اسباب زيادة نفاذية الأمعاء !؟

📍المشكله دي بقا بتحصل نتيجة العادات السيئة في اكلنا وبالاخص للام وهي حامل سواء للمواد الحافظه والوجبات السريعه junk food والمياة الغازية والاكلات الغير صحية وزيادة اكل السكريات والنشويات واللي بتؤدي لمشكلة للأم وبدورها بتكون سبب موروثي للطفل منك وقت الحمل وأثناء الرضاعه  

📍دا غير اكلنا لمواد صعبة الهضم وعلي رأسهم القمح واللبن ،، والقمح دا لوحده حكايه وفيه دراسات اتكلمت عن تأثيرة المباشر علي بطانة المعدة وتسببه في اتساع الفتحات وحدوث متلازمة الامعاء التسريبيه ،،ودا علشان لعبوا في التكوين الچيني بتاعه زراعياً ..مصيبه يعني 😡

📍دا غير استخدامنا الكتير للمضادات الحيوية والخضروات والفواكة المرشوشة مبيدات اللي بيكون ليها تأثير قوي علي البكتيريا النافعه وزيادة البكتيريا الضاره ،، وطبعا دا ضد التوازن الطبيعي للمناعه واللي بيكون سبب في حدوث اختلال في الجسم وظهور الحساسية

تعالوا بقا نعالج جذرياً ونحاول نعكس المُسببات علشان نقدر نفهم خطة العلاج..

#اولاً

نبعد تماماً عن الأكلات صعبة الهضم وعلي رأسهم القمح - اللبن - البقوليات .. ونقلل السكريات والكاربوهيدرات والحبوب زي الارز والشوفان .. ونطلق وبالتلاته المواد الحافظة والسعرات الحرارية والوجبات السريعه والمياة الغازية ، وطبعا اعتبروا كل اللي ذكرته من محفزات زيادة نفاذية الامعاء

طبعاً دا ملوش علاقة بالمنع للاكل المتحسس منه الطفل ،،

يعني لو الطفل متحسس من اللبن برده هنمنعه من القمح !!؟

ايوا بالظبط كدا 👌

احنا بنتكلم عن حل جذري لمشكله ممكن تطول او تتحول لحساسية متعدده ،، فبالتي تحويل مسار حياة الطفل لاكل صحي عموما هو دا المطلوب ،، حتي لو مقدرناش نمنع فعلي الاقل هنقلل بنسبة كبيرة ودا بيكون ليه أثر كبيرفي تحسن الطفل

وافتكروا احنا مش بنعالج الحساسية وبس ، لأ، احنا كدا بنعالج اصل المشكله ذات نفسها 👍🏼

#ثانياً:

محتاجين نرجع التوازن الطبيعي للمناعة من زيادة البكتيريا النافعه عن البكتيريا الضارة ودا هيكون من خلال :

🔹أدوية محتوية علي #بروبيوتيك Probiotics

سواء للطفل المتحسس زي Biogaia-Entrogermina

أو للام نفسها وبالاخص لوحامل Euflora

ودا بيكون علي شكل كورس بنحدده كجرعة وفترة طبقاً للحالة 👌

🔹اكلات وخضروات مُخمرة محتوية علي بروبيوتيك زي:

الزبادي : بس طبعاً مش هينفع للي عندهم حساسية ألبان

شوربة ميسو Miso soup ودي اكله يابانية من الصويا بس مش لاي سن

وفيه انواع تانية كتير زي :

المخلل العضوي pickles

مخلل الملفوف  sauerkraut

التَيْمبي Temph

الكيمتشي kimchi

شاي الكومبوتشي kombucha

الكفير kefir

كل دا محتوي علي بروبيوتيك بنوصفها للكبار ومش هنخوض فيها حالياً وهيكون فيها مقالة كاملة علي موقعنا ان شاء الله بالتفصيل

🔹البعد عن الاكلات والخضروات الغير صحية ونلتزم بإستخدام الخل والمياة الدافية في تنظيف الخضار والفاكهة،، ونبعد عن استخدام المضادات الحيوية عمال علي بطال 😡،، نخلي حياتنا صحية ياجماعه

#ثالثاً

نساعد في عملية استشفاء المعدة Gut healing من خلال ..

١-مرقة العظم Bone Broth

فوايد العظم رهيبة لو تعلمون .. أه والله

ودا بيكون من خلال غلي عظم اللحم او الفراخ علي نار هادية لفترة منر١٠-١٢ ساعه  والفكرة هنا في طول فترة الغلي ودا بيساعد في استخراج عناصر هائلة من العظم :

الاحماض الامينية ومنها :الكولاچين- الچيلاتين- جلوكوزامين -glycine-proline

بالاضافه الي عناصر مهمه مثل :كالسيوم -فوسفور-ماغنيسيوم-فولات - سيليكون -بوتاسيوم

ودا بيساعد في تحسين الجهاز الهضمي

تخيلوا العظم فيه ايه .. بنركز عليه مع معظم وجبات الطفل .. وفيه دراسات أكدت دوره القوي في استشفاء المعدة المصابة .

‏٢- L-glutamine

بودر ال-جلوتامين .. ودا بيساعد في تحسين بطانة المعدة وبالتالي بيفرق جداً في عملية الاستشفاء وموجود في السوق علي شكل بودر .

٣- زيادة حامضية المعدة ،، لو كانت قليله

ومع زيادة الحمض بيساعد في تحسين عملية الهضم فبيساعد في عملية شفاء المعدة 👌

٤- الانزيمات المُهضمة Digestive enzymes

ولازم اذكرها في بند منفصل لأهميتها في عملية استشفاء المعدة من خلال مساعدتها في عملية الهضم ، ودا بيكون من خلال ادوية محدده تحتوي عليها منها المستورد والمصري وسهل الحصول عليها

وبعد الموضوع الكبير دا واللي اتمني اكون وصلته بسلاسه لأهميته ..

#هديكوا_الخلاصة👌

-اصل اي حساسية نفاذية في الامعاء

-المنع لوحده مش كفايه ،، هيحصل تحسن مع المنع بس لازم نعالج جذرياً

-البعد عن القمح مصلحة للجميع سواء متحسس او لا ،، وبعده الالبان ودول اكبر البروتينات واصعبهم هضماً

-غير حياتك وحياة اسرتك وابعد عن كل شيء مشكوك فيه من اكل او شرب ،،خليك healthy هتستريح

-كأم حامل ومُرضع فعليكي عبء كبير انك تحافظي علي عاداتك واكلك واللي لازم تكون صحية علشان ابنك وعلشان متتعبيش بيه،،

-المضاد الحيوي - السكريات- المواد الحافظة ،، اشياء يجب ان تقنن وتنتهي

-رجوع المعدة لاصلها وشفاؤها التام محتاج تغيير لمفاهيم وتعب ومجهود وان شاء الله يكلل بالنجاح

وفي النهاية :

مقدرناش نكتب جرعات محدده لان النظام بيتحدد طبقاً للوضع والحالة نفسها ومدي تحسنها .. وبفضل الله تم تطبيقة علي حالات كتير وربنا شفاهم 🙏

د.محمد عفيفي       🌹 د. إيهاب الإمـام