نصائح قوية للوقاية من الإنفلونزا الموسمية للدكتور إيهاب الإمام

نصائح قوية للوقاية من الإنفلونزا الموسمية

**هوي البيت وافتحي الشبابيك وبلاش الجو الفيروسي اللي عايشين فيه ده ⛅️

**غسل اليدين علي الاقل لمدة ١٥ ثانيه بصفة دوريه ع مدار اليوم..

**ابعدي كل الالعاب القطنيه عن اولادك ( الفيروسات عايشه ومتقوقعه فيها كمان)

**استخدمي مطهرات في غسيل ارضيات البيت

**طعمي اولادك مصل الانفلونزا الموسميه  وسيبك من اللي يقولك ولادي لما اخدوا تعبوا واصلهم يتعودوا عليه ..اللي زي دول بدأوا ينقرضوا😡

نصائح قوية للوقاية من الإنفلونزا الموسمية

*زمان كان تطعيم الانفلونزا البكتيري خارجي ..لكن حاليا اصبح اجباري في وزارة الصحه والطفل بياخده عند شهرين واربعه وستة اشهر.. وليه جرعه تنشيطيه ناس كتير بتغفلها عند سن سنه ونص،، اسألوا عليها الدكتور المتابع او المصل واللقاح

**علمي ابنك لما يعطس او يكح يعمل ايه كسلوك صحيح

**التدخين السلبي ..مصيييبه ف البيت  🚬

**افصلي الطفل اللي تعبان عن اخواته بلاش موضوع ندفي بعضينا ده

** برونكوفاكسوم ٣.٥ مجم أكياس أو كبسولات
نفضي الكيس أو الكبسولة علي عصير او ميه أو لبن قبل الافطار
لمدة ١٠ أيام من كل شهر وتكرر ٣ شهور

مثلاً،،، من يوم ١٠ لـ ٢٠ في شهور ٩،١٠،١١

ينفع من سن ٦ شهور فما فوق ،،مصنف دوائيا كمقوي مناعه ومتاح للجميع

**الفواكه والخضروات:

-الجوافه والبرتقال والليمون والكيوي ..🍋مليانين فيتامين c

-الموز ..🍌ماغنيسيوم بالهبل

-الطماطم🍅..فيها(ليكوبين) ودي حضرتك ماده مضاده للاكسده وبتساعد علي تقوية المناعه ..

**السوايل الدافيه زي اليانسون والنعناع والتليو وياسلام ع شوربة الفراخ وياسلامين تلاته علي عسل النحل🐝

**فيتامين c نقط للاطفال الرضع ٥ نقط مره ف اليوم

**بنزود جرعة فيتامين د في الشتا لاخر توصيات من الاكاديميه الامريكيه لطب الاطفال

**بلاش التجماعات الحزبيه في البيت ‍
خلي العيال تلعب وتتنطط..

تعرفوا !؟؟
ان الاطفال مع اللعب جسمهم بيفرز مواد طبيعيه اسمها (اندروفين) ودا بيساعد علي تقويه المناعه وبالاخص في الشتا...👍

**وطبعا بعد اللعب والشقاوه هيناموا نوم كافي وجسمهم هيستريح وبالتالي هيساعد في تقوية المناعه

**خارجين من البيت سواء للمدرسه او الحضانه او حتي فسحه ،، تعرفي ان فيروس الانفلونزا بيتعرف علي الحراره المختلفه يبقي لازم نشرب ميه او نغسل وش الطفل قبل مايخرج ضروري  ..

**الطفل الرضيع اهم حاجه ليه هي الرضاعه..🍼اه والله الرضاعه..مفيش بعدها مناعه...ومتنسيش نقط محلول الملح للانف

** افضل الطرق لاذابة البلغم عند الاطفال هي شرب الميه والسوايل،،  تخيلي!!

**الشور 🚿 مفيش مشكله منه بس نحافظ علي درجة الحراره ..مش ياخد شور ويطلع البلكونه حضرتك ...وافضل وقت قبل النوم

** مش عيب اننا نلبس ماسك طبي 😷 لو تعبانين ،، بتفرق في عدم نقل العدوي بنسبة كبير جداً

ربنا يحمي اولادنا

الوقاية خَيْرٌ من العلاج
للدكتور إيهاب الإمام