التهاب الحنجرة عند الأطفال د/إيهاب الإمام

التهاب الحنجرة عند الأطفال د/إيهاب الإمام

التهاب الحنجرة بدأ من فتره ودا بنسمية
كروب croup او خناق

ودا بيحصل نتيجة التهاب فيروسي غالبا وممكن بكتيري او التعرض لعوامل بتساعد علي الحساسية زي الغبار او الراويح

الطفل بيكون عنده رشح غالبا وفجأه يحصل التهاب في الحنجرة والأحبال الصوتيه فبينتج عنها كحة (نباح) مخنوقة ..وغالباً بتظهر بالليل مع الشهيق والطفل مش بيقدر ياخد نفسه كويس ...وطبعا بيكون صوتها مزعج جدا وبيخلي الأهل قلقانين جداً..لو سببها فيروسي او بكتيري بيكون معاه حراره عاليه

الخناق بيختلف في درجاته وممكن يصل للزرقة لا قدر الله...

-نعمل ايه لو حصل ؟
نحاول نخلي الطفل هادي ويشرب سوايل دافيه وناخده علي الحمام،، نفتح الميه السخنه ونعمل جو من البخار .. طبعا الطفل بيستنشقه فبيقلل من حدة الالتهاب والخنقه اللي بيكون فيها

ونلجأ لأقرب دكتور أو مستشفي

الدكتور بيحدد ما إذا كان محتاج جلسة أدرينالين ام لا مع حقنة ( ديكساميثازون) ..وبنمشي الطفل علي كورتيزون شراب علي الاقل ٣أيام لانه بيساعد علي تخفيف الالتهاب الموجود في الحنجرة والاحبال الصوتية

الخناق حالة طارئة لازم نتعلم نتعامل معاها ومنستناش عليها أبدا لان العواقب بتكون وخيمة.

-شبيه كحة ( الخناق او الكروب ) ،، استنشاق جسم غريب ودا بنحدده من الهيستوري ان الطفل كان بياكل حاجه زي اللب وفجأه حصلت الكحه دي ..ركزوا يا امهات
د/إيهاب الإمام

الصحة