هل ابنى عنده hyperactive للدكتور إيهاب الإمام
ماهو مش معقول ياجماعه
كل طفل شقي شويه ،، او تركيزه لسه بيتطور فبالتالي مش منتبه شويه نقول عليه فرط حركة hyperactive ،، او بيعاني من نقص الانتباه ADHD،،،
ونروح لاخصائي نفسيه والطفل ياخد علاج حرفياً بيخليه لاحول له ولا قوة ،، حاجه بقت أوفر بصراحة 😡
لأ القصه مش كده خالص
الموضوع نمط مستمر من عدم الانتباه و فرط الحركه - الاندفاعيه واللي بيأثر على تطور الطفل وأدائه في مختلف جوانب الحياه ..
وعلشان نشخص الطفل بهذا الاضطراب بناءا على الدليل التشخيصي والاحصائي الخامس DSM-5 ،،
لازم يتوافر في الطفل 6 أو اكثر من أعراض نقص الانتباه، و ٦ أو اكثر من أعراض فرط الحركه- الاندفاعية،،
خلونا نفكر صح👌
☝️نبعد الطفل عن كل اشكال الميديا من موبايل وتي في وتاب واللي ليها تأثير سلبي قوي جداً علي سلوكه
☝️نبعد عن الاكل اللي فيه سكريات والسعرات حراريه من شيكولاته ومياه غازيه ومواد حافظه واللي أثبتوا انها بتهيبر الطفل وتأثر علي سلوكه
☝️نشترك لطفل في أكتيڤيتي يطلع فيها طاقته ،، رياضه معينه او يروح حضانه تكون كويسه
☝️في البيت يكون فيه ألعاب منتسوري واللي ليها فاعليه قوية في تحسين تركيزه
☝️نخرج اسبوعياً في مكان مفتوح الطفل يبدأ يتفاعل فيه مع أطفال زيه
☝️ندي للطفل أوميجا ٣ ،، واللي أثبتوا دوره القوي في تحسين الطفل سلوكياً وذهنياً ،، ودا حاجه بنعتبرها طبيعيه
حلول كتير قبل ما نفكر في اللجوء للبند العلاجي ،، ومتشغلوش نفسكم بكلام اللي حواليكم
ابنك أوفر،،
ابنك حركته كتير،،
ابنك مش مركز ،،
دا طفل ياجماعه ،، بيتطور ذهنياً وحركياً وسلوكياً يوم ورا يوم،، طبيعي انه يكون شقي وبيتحرك ،، عادي يعني
رجاءاً نصحح مفاهيمنا وبلاش نضغط علي أطفالنا
رجاءاً 🙏🏻
مش_كل_طفل_شقي_يبقى_هايبر_أكتيف
د.إيهاب الإمام
مع تحيات أسرة موقع
Www.fashioneleganc3.comWww.fashioneleganc3.com
🌹🌷🌹
ردحذف