تجارب الشباب العاطفية من الجنسين أ/ حسن زايد
تذكر السائلة فى سؤالها للأستاذ حسن
السلام عليكم انا اول مره أتابع الصفحة وجزاءك الله خير على المجهود .وفرحت جدا لما لقت الشيخ أيمن صيدح معك في الفيديو اللي كان أكثر من رائع.أنا عايز اخد رأيك في موضوع بس عايزة أتأكد انك بجد الا من الوحيد
-----------
وعليكم السلام ورحمة الله وبركاته
جزاني الله واياك وانا سعيد بكلامك جدا
اتفضلي
----------
شكرا .أنا في البداية بنت عندها 25 ألي حد ما ملتزمة وقربت اختم القرآن حفظا .بس ساعات بيعدي على فترات فتور بس باكون مضايقة جدا والحمد الله ربنا بيعبت لي رسائل على طول يذكرني بيه .أنا يشتغل وفي زميل لي كان معي كن بنتكلم عادي في الشغل بحدود .هو أصغر مني بسنتين وحاليا في الجيش .تقريبا بقاله 7 شهور بيكلمني دايما السلام عليكم ازيك يا ----- دي كل الرسالة كل لما ينزل من الجيش .لحد لما اعترفي لي أنه بيحبني وعايز يتجوزني علشان انا بنت مختلفة عن أي حد قبلها وملتزمة .بس هو عايز يجي يتقدم بعد لما يخلص جيش على أول سنه .المهم هو عايز نتكلم مع بعض لحد لما يجي يتقدم لي . أنا مضايقة جدا حاسة اني بسرق وبخون الأمانة اللي اهلي اعطوه لي .وبخون ربنا .مش عارفه اعمل ايه وموضوع السن قلقني .برده هو مش في مستوى التزامي .بس قالي انه بدأ في الالتزام .أنا مضايقة جدا من حالي .للعلم أنا ملتزمة والناس شايفني معقده .مع اني بحاول اطبق ديني وفي نفس الوقت بعيش حياتي
أنا آسفة جدا للإطالة بس كنت محتاجة اتكلم
----------
دي مش اطالة
انت متعرفيش حاجة عن الاطالة
موضوع السن ملوش اعتبار في الشرع والزواج صحيح
لكن انت بتستهبلي اساسا وعايزة تتلطشي علشان تفوقي
الاخ دا يتقي الله ويسيبه من التهريج دا لا شرع ولا عرف يقول الكلام دا ولا اصول حتى ولا راجل حقيقي يفكر فكدا يعني هو شايفك بنت مختلفة يقوم بروح امه يحولك زي اي بنت رخيصة بتتكلم من ورا اهلها وتفتكري بعد كدا هيشوفك مختلفة برضه ؟
وهل دا يقبله ويرضاه لأخته لو يرضاه يبقى ديوث ولو ميرضاهوش يبقى شايفك رخيصة الاخ دا آخر كلام بينك وبينه ولو عندك عالفيس والواتس تعمليله بلوك بشبشب الحمام
بصراحة انت دايقتيني لو بنت مش عارفة كنت هكون اكتر لين معاها لكن انت بتقولي قربت تختمي القرآن
اقرأي قول الله تعالى ( وانكحوهن باذن أهلهن وآتوهن أجورهن محصنات غير مسافحات ولا متخذات أخدان )
شوفي متخذات أخدان معناها ايه وردي عليا
-------------
مش عارفه اقولك ايه بجدا .شكرا انك فوقتني .كنت محتاجة حد يوفقني ويرجعني قوية تاني .
-------------
بلوك للأخ دا علشان أنا عادة بحاول أقرب من الشباب واكون حنين لكن النوعية دي أنا بكرهها
-------------
تمام
تعليقات : 0