الفطام والفيتامينات للدكتور محمد سعد عفيفى دكتور الأطفال
الفطام والفيتامينات
الفطام يعنى بداية ادخال الأكل للطفل غير (اللبن).
وبيبدأ من بعد الشهر الرابع...من اول يوم ف الخامس او السادس.
الشهر الخامس..سيريلاك او دقيق {السومولينا} بتاع البسبوسه او بليله مضروبه ف الخلاط ومتصفيه ( معلقين مرتين يوميا)
الشهر السادس...عصيدة اللحمه ( لحمه حمرا بدون دهن او صدر فرخه مضروبه ف الخلاط مع اضافة الماء ليصبح قوامها مشابه لقوام السيرلاك).
ونلاحظ هنا ان ده عكس المنتشر ف مجتمعنا من تأخير ادخال اللحوم واللى بتحاول تغيره الجمعيه الامريكيه لطب الاطفال وذلك لاحتواء اللحوم على نسبه عاليه من عنصر الحديد.
الشهر السابع والتامن..البطاطس والجزر والكوسه والتفاح ( مسلوقين ومهروسين).
الشهر التاسع والعاشر.....
١- حبوب...السيريلاك او البليله ٣ مرات يوميا
٢-الخضار والفاكهه...تفاح وموز وبرتقال وخوخ وباقى الخضروات مهروسه او مطبوخه.
٣- بروتينات...عصيدة اللحوم ولكن مش مضروبه ف الخلاط يكفى انك تزودى سلقها وتهرسيها بالشوكه.
وكمان هانبدأ ندخل صفار البيض واللى لازم نهرسه مع الزبادى .....مرتين بروتينات ف اليوم
الشهر ال ١١ وال ١٢....
كل شئ ممكن يدخل ماعدا العسل واى شئ ممكن يشرق فيه الطفل
ولكن نغير طريقة الاكل من كونه مهروس الى كونه مقطع قطع صغيره بعد الطبخ.
ممكن كمان ندخل الجبنه ف الفتره ده.
الفيتامينات خلال اول سنه من العمر....
اى ممارسه بإعطائها عمال على بطال ده ممارسة خاطئه ولا تصح ومن امثلة ده اعطاء الكالسيوم علشان الاسنان واعطاء الحديد علشان الطفل ياكل وغيره..
كل ما يحتاجه الطفل السليم خلال اول سنه من الفيتامينات هو الحديد وفيتامين د. ولكن لميييين؟؟؟
تابعونا فى كل جديد
د/محمد سعد عفيفى دكتور طب الأطفال
تعليقات : 0