سلسلة كيف تربى طفلك د/محمد سعد عفيفى (١)
زاى ننمى ذكاء طفل عمره شهرين:-
١_اتكلمى ولاعبى الطفل ف اى وقت
٢_الافضل انك تتكلمى بطريقه عاديه أفضل من انك تقلدى اصوات الطفل.
٣_ ابتسمى لطفلك اول لما يصدر اى صوت
٤_ساعدى طفلك انه يهدى نفسه ساعة العياط عن طريق انك تقربيله صباعه من بقه.
وده عكس اللى الناس بتعمله....مص الاصابع الان هو طريقة ابنك بيتعلمها علشان يهدى نفسه بنفسه.
٥_ ركزى مع عياط ابنك علشان تبدأى تتعلمى انواع العياط بتاعته لما بيكون جعان او ملى البامبرز او عنده مغص.
٦_العبى مع الطفل لعبة الغميضه
اينعم ،لعبة الغميضه..
وانتى منيمه طفله قدامك خبى وشك بفوطه او مخده وبعدين شيليها وقولى اى كلمه تضحك الطفل
وافضلى كررى ده هاتلاقى الطفل فهم وبدأ يتجاوب معاكى جدااا
٧_حطى مرايه ف سريى الطفل تكون متعلقه ونازله قدامه بحيث يقدر يشوف نفسه فيها وهاتشوفى العجب العجاب
٨_هاتى البوم الفرح وحطى ابنك على رجلك واتفرجوا سوا.
وماتركزيش قوى مع الكام كيلو اللى خسيتيهم.
٩_والطفل صاحى نيميه على بطنه قدامك وحطى لعب حواليه علشان يحاول يمد ايده او يرفع راسه علشان يشوفها.
١٠_ امسكى طفلك واقف بين ايديكى وخلى رجليه تلمس الارض وابدأ غنى احسن من شيرين فى the voice.
تلك عشرة كامله ....
وجربوا وهاانتظر ارائكم وتجاربكم علشان نكمل باقى سلسلة تنميه مهارات وذكاء الاطفال
ممتاز
ردحذف